Байқап отырсақ, Құранда дүние-мүлікті, мал-дәулетті жақсылық, «хасанатун», һәм қайырлы нәрсе, «хайрун» деп білдірген. Демек, мал-дәулет өз алдына жағымсыз нәрсе, ауыз-екі тілде жүргендей «қу дүние», «сұм дүние» емес екен. Алла Тағала хайырлы нәрсе деп білдірген дүниелік нығметтерді орынсыз жерге, жағымсыз әдіспен жұмсап, басына соның кесірінен соққы тиген адам, өзіне шаң жуытқысы келмей бар кінаны басқадан іздеитін әккі әдісіне салып: «қу дүниеге алдандым», «сұм дүниеге арбалдым» деп, «өзімнің иттігімнен болды демей» ақтала жөнелетін көрінеді...
Шынында, асты үстіне келіп, аласапыранға айналған қаншама таным-түсініктер бар десеңізші...